三人世界遊船河

ptc077

既然無工開咁好自然同Ivy佢地一齊遊船河啦.
其實我無乜興趣,但係聽到May都去,唔知點解我又想跟住去,可能係因為有泳衣睇......
咁我一早就打電話比Ivy話過去車佢地,到咗樓下就call佢兩個落呢.
等咗一陣,已經見到佢兩個行過呢.
一個青春打扮白色小背心熱褲仔拖鞋,戴著藍色鴨舌帽,另一個就成熟look,一條米白色長裙,戴住太陽眼鏡,高踭涼鞋.
佢兩姊妹一齊行真係引死人.
亞May先同我打招呼.
[Hi.]
[Hi,兩位靚女上車先啦.]
咁Ivy當然係坐我側邊啦,May就坐後面.
Ivy問我:[你唔係話要開工唔呢咩?]
[原本係...咁啱同人調更所以咪呢到囉.]
跟住May就問:[亞妹話你做馬會喎,辛唔辛苦架.]
[唔係好辛苦姐,又可以帶佢地出去行下,間唔中抽下水.]
[吓!抽水?]
[哦...妳...聽錯,係抽血,抽血先真....]
幾乎講錯野.
[咁...做咗幾耐?]
[一年有多.]
[聽聞人工唔錯?]
[人工,唔一定架,有時多D有時少D.]
[馬會唔係月薪咩?點會時多時少?]
[我....我間唔中請假,所以...成日比人扣糧.]
[家姐!!做乜審犯咁問...]
[無...好奇問下啫.]
好彩Ivy幫我擋住,再比佢問落去遲早穿煲.
好快我地就去到西貢碼頭.
見到明少拖住條女同佢班有錢仔朋友一齊.

今日睇呢都幾熱鬧,睇怕都有廿幾人女多男少.
部白色遊艇係佢老豆既,幾靚架,我都唔係第一次坐,我地陸陸續續上晒船,之後駛咗出唔知邊到,只係知佢話呢邊水清又無咁大浪喎.
跟著這正式開P.
Ivy同May去咗船艙換衫,我就坐係甲板等佢兩個,順便Show下我排朱古力.
當見到佢兩個出呢時,全場D麻甩仔靜晒眼金金咁望實佢兩個.
Ivy著住藍色比堅尼泳衣,佢身材當然唔錯啦,不過都係有D babyfat.
至於May就真係唔講得笑,佢著住一件高叉deep v黑色泳衣.
件衫完全包唔住佢火辣辣既上圍,有半邊波露咗出呢,一邊行一邊震下震下.
但係最估唔到佢對腳重靚,皮膚光滑白裡透紅,再加上佢著住高踭涼鞋,將成隻腳既曲線拉得更長.
真係應肥既地方肥,應幼既地方幼.
佢雖然唔算高,但係身材均勻絕對係上帝既傑作.
在場D女99%都係靚妹,完全比唔上佢既女人味.
睇到女既羨慕男既吞晒口水.
明少即刻走過呢問我:[嘩~~呢條女邊到呢架?咁索既?]
[佢係Ivy家姐.]
[哦....]
見佢眼金金對住May笑淫淫,又唔知諗乜衰野啦.
我無理佢走過去Ivy同May身邊.
[家姐,我幫妳搽太陽油丫.]
見到Ivy幫訓係到既May搽油,佢皮膚滑不溜手,特別係推到PatPat,就咁睇都知佢彈性十足.
睇到high high地,好鬼誘惑,真係好想摸下.
[華,幫我搽太陽油丫.]
之後Ivy叫我幫佢搽.
[哦...好呀.]
其實Ivy皮膚都好光滑,摸上手都係好有彈性.
雖然我地已經拍拖,但係我地從未上過床,唔係我唔想,只不過佢好似有D抗拒.
算啦順其自然,好難得呢個世界重有D咁純情既女仔.
我都好享受現在個關係.
係甲板曬咗一陣,佢地開始玩水上活動,Ivy落咗水玩wakeboard,我水性唔好所以無玩坐係船邊望住佢地玩.
突然May走過呢,坐係我側邊,佢攞咗包煙比我,我望一望佢攞咗一支:[唔該.]
跟住佢自己都攞咗一支,我地一齊係到煲煙,佢問我:[你唔落水?]
[唔啦....我唔熟水性.]
[唔識就唔識啦,乜野唔熟水性,廢話.]
嘩~~乜事,食咗火藥咁,個態度同之前差咁遠.
[古惑仔講野無句真.]
[吓!!]
[唔洗扮野啦,我唔係亞妹,你呃到佢呃唔到我.]
估唔到May會咁講,我瞪大對眼望實佢.
佢噴咗一口煙繼續講:[馬會唔會請有成身紋身既員工.]
呢樣我真係唔知喎,仆街穿咗煲添.
[妳點知我...]
[你地D古惑仔除,一聞就知.]
吓,乜我地有特殊氣味咩?點解我唔知架.
不過睇得出我係古惑仔,都係得兩種人.
一係警察,一係都係江湖中人.
點睇佢都唔似後者,
咁啫係.....金翅仆街鳥.